جنوبی افریقا نے دلچسپ مقابلے کے بعد پاکستان کو سنچورین ٹیسٹ میں شکست دی

جنوبی افریقا نے دلچسپ مقابلے کے بعد پاکستان کو سنچورین ٹیسٹ میں شکست دیرپورٹ: محمد ذیشانسنچورین میں کھیلے گئے پہلے ٹیسٹ میں جنوبی افریقا نے 2 وکٹوں سے کامیابی حاصل کرلی۔ دلچسپ اور سنسنی خیز مقابلے میں پروٹیز نے 148 رنز کا ہدف 8 وکٹوں کے نقصان پر حاصل کر لیا۔ مارکو جانسن 16 اور کاگیسو ربادا 31 رنز کے ساتھ ناٹ آؤٹ رہے۔پاکستان نے اپنی پہلی اننگز میں 211 رنز بنائے جبکہ جنوبی افریقا نے اپنی پہلی اننگز میں 301 رنز اسکور کیے، جس کی بدولت انہیں 90 رنز کی برتری ملی۔ پاکستانی ٹیم دوسری اننگز میں 237 رنز تک محدود رہی اور جنوبی افریقا کو 148 رنز کا ہدف ملا۔چوتھے روز کے کھیل میں پاکستانی بولر محمد عباس کی شاندار کارکردگی کے باوجود میزبان ٹیم نے 39.3 اوورز میں مطلوبہ ہدف حاصل کرلیا۔ عباس نے دوسری اننگز میں 6 وکٹیں حاصل کیں، تاہم ان کی یہ شاندار کارکردگی ٹیم کی جیت کے لیے ناکافی ثابت ہوئی۔جنوبی افریقا کے ایڈن مارکرم اور ٹیمبا باوما نے ہدف کے تعاقب میں اہم شراکت داری قائم کی۔ مارکرم نے 37 جبکہ کپتان باوما نے 40 رنز بنائے۔ پاکستان کے دیگر بولرز میں نسیم شاہ اور خرم شہزاد نے ایک ایک وکٹ حاصل کی۔تیسرے روز بارش کے باعث کھیل تاخیر سے شروع ہوا۔ پاکستان نے اپنی دوسری اننگز 88 رنز 3 وکٹوں کے نقصان پر دوبارہ شروع کی، مگر بلے باز وقفے وقفے سے آؤٹ ہوتے رہے۔ سعود شکیل 84 اور بابر اعظم 50 رنز کے ساتھ نمایاں رہے۔پہلی اننگز میں پاکستانی بیٹنگ لائن خاص کارکردگی نہ دکھا سکی۔ کامران غلام نے 54 رنز بنائے، مگر دیگر بلے باز جنوبی افریقی بولرز کے سامنے مشکلات کا شکار رہے۔ ڈین پیٹرسن نے 5، کوربن بوش نے 4، اور مارکو جانسن نے 1 وکٹ حاصل کی۔اس جیت کے بعد جنوبی افریقا نے سیریز میں برتری حاصل کر لی ہے، جبکہ پاکستان کو اگلے میچز میں بہتر کارکردگی دکھانے کی ضرورت ہوگی۔ جنوبی افریقی بولرز اور بلے بازوں کی متوازن کارکردگی نے اس کامیابی میں اہم کردار ادا کیا۔