چیمپئینز ٹرافی؛ بھارت نے پاکستان سے میزبانی چھیننے کا منصوبہ بنالیا

بھارت نے آئی سی سی چیمپئینز ٹرافی میں حصہ نہ لینے کے بعد اب پاکستان سے ایونٹ کی میزبانی چھیننے کا بھی منصوبہ بنا لیا ہے۔

میڈیا رپورٹس کے مطابق، بھارتی کرکٹ بورڈ (بی سی سی آئی) نے سیکیورٹی کے حوالے سے تحفظات کا اظہار کرتے ہوئے پاکستان میں ہونے والی چیمپئینز ٹرافی میں شرکت سے انکار کر دیا تھا۔ تاہم، بھارت اب آئی سی سی سے یہ درخواست کرنے جا رہا ہے کہ اگر ایونٹ کی میزبانی کے حوالے سے کوئی حتمی فیصلہ نہیں ہوتا تو بھارت خود اس میزبانی کو سنبھالے گا۔

یہ بھی کہا جا رہا ہے کہ بھارت نے آئی سی سی براڈکاسٹرز کے لیے جو مالی تلافی کی پیشکش کی ہے، وہ اس بات پر مبنی ہے کہ پاکستان اور بھارت کے درمیان میچ نہ ہو سکے۔ اس مقصد کے لیے بھارتی کرکٹ بورڈ نے انٹرنیشنل کرکٹ کونسل (آئی سی سی) کے ساتھ مذاکرات شروع کر دیے ہیں۔