پاکستان اور نیوزی لینڈ ٹی ٹوئنٹی سیریز کی ٹرافی کی رونمائی

رپورٹ: محمد ذیشان
13 مارچ 2025

پاکستان اور نیوزی لینڈ کے درمیان 16 مارچ سے شروع ہونے والی ٹی ٹوئنٹی سیریز کی ٹرافی کی رونمائی کر دی گئی۔ اس تاریخی موقع پر دونوں ٹیموں کے نمائندے کرائسٹ چرچ کے دلکش اور خوبصورت مقام پورٹ ہلز پر موجود تھے، جہاں یہ تقریب منعقد ہوئی۔

پاکستانی ٹیم کی جانب سے نوجوان وکٹ کیپر بیٹر محمد حارث اور نیوزی لینڈ کی ٹیم کی جانب سے تجربہ کار لیگ اسپنر ایش سودھی نے ٹرافی کی رونمائی کی۔ اس تقریب کے دوران دونوں کھلاڑیوں نے اپنی اپنی ٹیموں کے لیے نیک خواہشات کا اظہار کیا اور آئندہ آنے والے میچز کے لیے پرجوش نظر آئے۔

یاد رہے کہ پاکستان اور نیوزی لینڈ کے درمیان پانچ میچوں پر مشتمل ٹی ٹوئنٹی سیریز کا آغاز 16 مارچ سے ہوگا، جس میں دونوں ٹیمیں ایک دوسرے کے خلاف اپنی مہارتوں کا مظاہرہ کریں گی۔